GENERAL SANTOS CITY – Magpahigayon ug adjudication proceedings ang DENR may kalabutan sa pagputol sa 20 ka punu-an sa nemtree sulod sa compound sa OT Santos Elementary School sa Lower Labay Tinagacan ning dakbayan.
Mamahimo nga kasuhan ug criminal u kaha administrative ang kinsa mang taga gobyerno nga adunay kalabutan sa maong aktibidad.
Gipaklaro sa buhatan ni DENR Officer Elvira Lumayag nga una putlon ang mga punu-an sa kahoy ila una kining susihon kung naghatag ba ug peligro sa katawhan lakip ang tumong sa pagpaputol .
Lakip sa susihon kung planted tree ang mga punu-an sa nemtree busa manginahanglan ug cutting permit gikan sa ilang buhatan .
Gikadugang pa nga magpagawas lamang ug permit ang DENR kung may pagtugot ang City ENRO. Kahinumduman nga nangayu ug pagtugot ang Principal nga si Marilyn Adecer ngadto kang Tinagacan Kapitan Jeofrey Salario nga putlan ug sanga ang nahisgutang mga punuan sa nemtree nga gitugtan usab sa Kapitan.
Apan dihang gipangutana sa Bombo Radyo ang Principal giangkon niini nga plano gayud nga pamutlon ang naasoy nga mga punu-an kay iya kining alisdan ug mga punu-an sa fruit trees.
Gipangita sa DENR kung asa na ang mga pinutol nga kahoy nga nakita nga gikarga sa trak de karga.
