Gipasigarbo ni Presidente Ferdinand Marcos Jr. ang kadako sa kontribusyon sa turismo sa ekonomiya sa nasod, ilabi na niadtong nakalabayng tuig 2023. Sumala sa Presidente nga mas taas kini og 48 porsyento kumpara sa 1.41 trilyones Pesos nga Tourism Direct Gross Value Added (TDGVA) niadtung tuig 2022.
Ang nasangpit nga kantidad nagrepresentar sa 8.6 porsyento sa Gross Domestic Product (GDP) sa nasud o 2.09 trilyon Pesos kon bugti sa gibanabana nga 35 bilyones US dolyares. Sumala sa Presidente nga ang 2023 Tourism Direct Gross Value Added (TDGVA) impresibo matud pa kansa maoy labing taas nga natala sukad niadtong tuig 2000.
Sa pakigpulong ni Presidente Marcos sa opening ceremony sa 36th Joint Meeting of the United Nations (UN) Tourism Commission for East Asia and the Pacific ug sa UN Tourism Commission for South Asia nga gipahigayon sa Cebu City kagahapong adlawa, gitumbok niini ang importanteng papel sa turismo sa ekonomiya sa nasud.
Gipadayag usab niini ang pagkamalaumon nga ang36th Joint Meeting of the United Nations (UN) Tourism Commission for East Asia and the Pacific ug sa UN Tourism Commission for South Asia mamahimong sumbanan sa mas maayong turismo sa Pilipinas.
