GENERAL SANTOS CITY – Nagkulang ug mga dokomento ang syudad alang sa P2.3B nga mallengke deal.
Kini human nagpadala ug abiso ang Public-Private Partnership Center ngadto sa LGU General Santos sa kapakyasan sa pagsumite ug kompleto nga documentary requirements sa controversial nga mallengke deal.
Sa sulat nga gipirmahan ni PPA’s Project Development Service Director John Dominic Zafe gipahinumduman niini ang syudad nga kinahanglan nga magsumite ug kompleto nga papeles sa Sanggunian Panglungsod alang sa approval.
Matud sa PPP center nga ang mga papeles lakip ang Electronic Copy sa Economic Model; Proposed Parameters, Terms and Conditions (PTC); Value for Money Analysis, and Valuation Report on Government Assets or Property.
Matud ni Zafe nga misalig sila sa Konseho ning syudad nga makompleto ang mga rekositos sa PPP Code alang sa kalampusan sa proyekto.
Ang sulat nadawat sa Konseho kaniadtong Hulyo 17 usa ka adlaw human giaprubahan sa 20th Sanggunian Panlungsod ang gipasa nga resolosyon nga unsolicited proposal nga idevelop ang central public market ngadto sa mallengke.
Nahitabo kini atul sa ika 93 nga regular session luyo sa pagpugong sa minority bloc sa konseho human giingon nga nagkulang ang mga parameter sa proyekto.
