Dako ang impluwensya sa online pornography, dating apps ug spa nga adunay sexual service sa pagtaas sa kaso sa HIV sa nasud.
Kini ang gipahibalo ni Department of Health (DOH) Secretary Teodoro Herbosa atol sa press briefing sa Malacañang niadtong Huwebes atubangan sa kataas sa ihap sa mga Pinoy nga dunay HIV.
Matod ni Herbosa, sobra ra kaayo ang access sa publiko sa porn hubs sa internet ug ingon man sa mga dating app nga sa ilang panagkita, mahimong agresibo, lakip na ang dili paggamit sa proteksyon ug mga spa nga adunay ‘extra services’.
Apan ang kalihim niingon nga kasagaran sa mga adunay HIV mga lalaki, busa angay usab nga iapil sa balaod ang testing alang kanila.
Sa pagkakaron, matod niini, nga mga babaye lang nga mga sex worker ang gikinahanglan nga mopailawom sa testing, busa dili mabantayan ang panglawas sa mga lalaki.
