Pope Francis sorpresang mibisita sa St. Peters Basilica sa Vatican

Human sa duha ka bulan nga pagpahulay human nga naayo gikan sa sakit nga double pneumonia, mibisita si Pope Francis sa St. Peter’s Basilica sa Vatican kagahapon nga wala magpahibalo daan nga nagsul-ob og itom nga karsones kay sa iyang naandan nga tradisyonal nga puti nga sinina sa papa.

Ang 88-anyos nga pontiff makita nga nag-wheelchair og adunay striped nga habol nga giputos sa iyang dughan.

Gani, nindot ang pahiyom niini dihang gipaduol kaniya ang duha ka bata.

Ang papa, adunay gamay nga hose sa ilong.

Nagpaayo ang Santo papa sa sa Vatican pagkahuman sa 38 ka adlaw niini sa ospital tungod sa sakit.