Plano sa Philippine National Police (PNP) nga gamiton ang mga security guard isip intelligence operatives aron mapalambo ang kaluwasan sa publiko.
Matud ni PNP Civil Security Group (CSG) director Maj. Gen. Edgar Alan Okubo, ang mga security guard mahimong kaabag sa kapulisan sa intelligence gathering ug magsilbing force multipliers.
Gitataw sa heneral nga dako sila og papel sa pagsiguro sa kaluwasan ug seguridad sa mga tugpahanan, commercial establishments, ug uban pang dagkong pasilidad.
Matod niya nga kabahin kini sa komprehensibong security framework sa gobyerno, dungan sa pagsiguro sa seguridad sa mga gibantayang pasilidad.
Sa samang higayon, plano sa PNP nga mopahigayon og Basic Information Collection and Analysis Seminar (BICAS) alang sa mga pribadong security agencies kung asa 575,000 ka mga security guard sa lain-laing dapit sa nasod ang gikatakdang motambong.
Ang maong seminar gipahigayon sa Kampo Krame diin kapin sa 30 ka security agencies ang mitambong.
