Gibutyag ni National Bureau of Investigation (NBI) Director Jaime Santiago nga nagtanyag og P5.1 million ang matod pa supervisor sa usa ka scam hub nga gironda sa ilang operatiba bugti sa kagawasan sa mga nasikop nga 17 Chinese national.
Matod kang Santiago, nagtanyag ang maong supervisor og tag P300,000 sa matag ulo sa mga nasikop nga Chinese nationals samtang ginabyahe ang mga nasampit sa NBI.
Ang maong ihap sa mga indibidwal ang nadakpan sa usa ka scam hub nga nag-operate sa Parañaque.
Gilayon usab silang nagpahigayon og entrapment operation og nagpakaaron-ingon sila nga pabor sa maong tanyag.
Bitbit sa matod pa Chinese supervisor ang P1.5 million isip inisyal nga bayad sa lima ka indibidwal.
Human ang pagmonitor, malampuson nilang nadakpan ang matod pa supervisor. Mipailawom na usab sila sa inquest proceedings.
