GENERAL SANTOS CITY – Nagpadayon ang imbestigasyon sa taga Bureau of Fire Protection sa natigayon nga sunog kagabii sa Phase B Public Market ning syudad.
Pasado alas nueve sa gabii may nadawat nga taho ang Bureau of Fire Protection nga nagkalayo ang bahin sa Phase B Public Market sa west side street Barangay Dadiagas South ning syudad.
Matud ni FO3 John Muñes nga lima ka stall ang nasunog nga gibanabanaan nga may P18,000 ang danyos.
Ang naasoy nga stall ang nakahilera sa gawas nga bahin nga gabaligya ug mga cellphone.
Gidudahan sa taga Bureau of Fire Protection nga adunay nakasaksak sa maong mga pwesto hinuon walay gikataho nga tawo nga naa sa lugar kini tungod ginabawal panahon sa gabii.
Miabot sa lugar si City Administrator Atty. Franklin Gacal Jr, Market Administrator Lito Esclamado, Kapitan Rock Garay ug uban pang opisyal sa barangay. Walay gikataho nga nasamdan sa maong panghitabo.
