GENERAL SANTOS CITY – Mukabat sa usa ka dosena nga sakop sa lawless terrorist group ang bolontaryo nga nagsurender ug mitugyan sa ilang mga armas sa mga sundalo nga sakop sa 6th Infantry Battalion ug 2nd Mechanized Infantry Battalion kagahapong adlawa. Matud ni Lieutenant Colonel Michael Glenn Manansala, 6IB Commander nga unang nagsurender sa ilang buhatan ang tulo ka finance supporter ug member sa Dawlah Islamiya Turaife Group lakip ang usa ka sakop sa BIFF – Karialan Faction. Matud pa ni Manansala nga bitbit sa mga nahisgutan ang tig usa ka M14 rifle ug nanumpa nga biyaan an ang kalihukan sa teroristang grupo. Samtang gikumpirma usab ni Lt. Col. Samuel Nadala Jr., sa 2nd Mechanized Battalion nga siyam ka mga BIFF members ang mitugyan sa ilang unom ka mga tag-as nga kalibre sa pusil nga gilangkuban sa M14 rifle, Garrand rifle, Cal. 45 Pistol, M79 grenade launcher, Barret Cal. 50 ug M16 rifle. Ang nahisgutang mga kanhi combatant ang gipresenta kang Colonel Oriel Pangcog, Commander sa 601st Infantry Brigade nga gitambungan sa Philippine National Police ug mga Local Government Units.
