Usa ka eroplano sa Pilipinas nga nagpahigayon og maritime patrol sa Subi Reef nasugatan og mga flare nga labing menos tulo ka higayon gikan sa China-occupied feature sa West Philippine Sea.
Sa report, nagpahigayon og maritime patrol ang abyon sa Bureau of Fisheries and Aquatic Resources duol sa gitawag sa Pilipinas nga Zamora Reef dihang nahitabo ang insidente niadtong Huwebes.
Kahibaloan nga kaNiadto pang 1988 dihang gisugdan sa China ang pag-okupar sa Zamora Reef.
Dili layo sa Zamora Reef ang Panata Island, usa sa siyam ka lugar sa West Philippine Sea nga giokupa sa China.
Sa Panata adunay gagmay nga mga bilding, solar panel, ug parola.
Sa habagatan-sidlakang bahin sa Panata mao ang Mischief Reef, nga gisugdan sa pag-okupa sa China niadtong 1995 nga nagtukod matud pa ug mga puy-anan sa mga mangingisda.
Karon, ang Mischief adunay daghang mga barko sa militia sa lugar.
Sa gawas sa Escoda Shoal, ang BRP Teresa Magbanua nagbantay taliwala sa mga taho sa China nga nagpahigayon og reclamation.
Sa usa usab ka pamahayag, nagbutyag ang Ministry of Foreign Affairs sa China nga ang nasud mihimo og “countermeasures” batok sa duha ka Philippine military aircraft nga milupad sa ilang airspace.
