Gibandera usab sa Pilipinas ang flag sa Pilipinas sa Pag-asa Cays og sa mga nakapalibot nga katubigan sa West Philippine Sea (WPS).
Sa post nga gipaambit sa tigpamaba sa Philippine Coast Guard (PCG) sa WPS nga si Commodore Jay Tarriela sa iyang X account, ang opisyal nitaho nga malampusong nahuman ang Inter-Agency Maritime Operation (IAMO) nga gipahigayon sa Pag-asa Cay 1, Cay 2, Cay 3 ug sa palibot nga katubigan sa maong dapit.Ang hiniusang paningkamot naglakip sa Philippine Navy, Philippine Coast Guard ug Philippine National Police – Maritime Group nga nagpatuman sa naandan ug lehitimong maritime domain awareness ug jurisdiction training sa WPS.
Upat ka composite teams ang gipakatag sakay sa rubber boats diin ang Teams One ug Two miadto sa Cay-1, Team Three ngadto sa Cay 2 ug Team Four sa Cay-3.
Atol usab sa operasyon, nakita sa mga PH team ang iligal nga presensya sa China Coast Guard 5102, gibana-bana nga 1,000 ka yarda sa sidlakan sa Cay-2, ingon man ang pito ka mga barko sa Chinese maritime militia duol sa Cay-2 ug Cay-3.
