Giandam na sa PESO General Santos City ang “PESO Gensan Year-End Job Fair” nga ipahigayon karong adlawa Nobyembre 25, 2025, gikan alas 9:00 sa buntag hangtod alas 4:00 sa hapon, sa usa ka mall ning dakbayan .
Ang maong aktibidad nagtinguha nga matabangan ang mga fresh graduates, mga adunay trabaho nga nangita og mas maayong oportunidad, mga OFW nga mipauli, ug bisan kinsa nga gustong mobalhin ug bagong career, aron makakaplag dayon og angay nga posisyon gikan sa lain-laing kumpanya.
Gilauman nga daghang local ug national employers ang motambong sa job fair, diin adunay on-the-spot interviews ug posibleng dayon-dayon nga hiring alang sa kwalipikadong aplikante.
Gipasabot sa PESO nga mas angay nga mangandam ang mga jobseekers pinaagi sa pagdala og daghang kopya sa ilang updated resume, pagsul-ob og business-appropriate attire, ug pag-andam para sa posible nga dayon nga interview.
Gilauman nga ang job fair makatabang sa pagpalapad sa employment opportunities sa General Santos City ug mahimong dakong tabang alang sa mga nangita ug trabaho sa pagtapos sa tuig.
