GENERAL SANTOS CITY – Gitawag nga open ended ni Atty. Rogelio Garcia ang peoples initiative sa Charter change aron i-ammend ang economic provision sa 1987 constitutions.
Matud niini nga general statement ang gi-ingon nga paagi aron awhagon ang mga langyaw nga magbutang ug negosyo dinhi sa nasud. Gihagit niini nga ipadayag ang espisiko nga probisyon ang amyendahan ug unsa nga balaod ang ipasaka aron i enforce ang proposed amendment human gibutyag nga walay paingnan ang ammendment sa economic provision.
Giangkon ni Atty. Garcia nga dili kini pabor sa giingon nga ammendment. Panahon matud pa ni kanhi Pangulo Rodrigo Duterte naamyendahan ang public service act gani makapanag-iya na ang mga langyaw ug barko, eroplano, transportasyon ug gigarantiyahan ug 100 percent ceiling pinaagi sa foreign investment act.
Gikadugang niini nga dili lang limitado sa economic provision nga posible pag-abli usab sa uban nga amendment sa ubang probisyon sa constitution sama sa self limitations sa term office.
Gisaway usab niini ang mga magbabalud nga gibiyaan ang hisgutanan sa anti dynasty bill tungod kasagaran ilang ginabaid ang mga anak aron musulod sa ilang agi.
