GENERAL SANTOS CITY – Giangkon sa labawng opisyal sa kapulisan sa tibuok nasud Police Director General Oscar Albayalde nga nagsubo ang Philippine National Police nga nakuhaan ug usa ka maayo nga opisyal ang iyang sakop.
Gani giangkon niini nga pipila ka bulan gikan karon siya na usab ang magretiro sa serbsiyo sama kang Retired Major General Elesio Rasco.
Samtang hagit niini kang General Alfred Curpoz nga palabwan pa ang mga maayong gihimo sa nasundan nga opisyal luyo nga kumpiyansa nga dili pasagdan sa gitawag niini nga work habit ang PRO 12 nga usa sa rason nganong gipiyal ang pagdumala sa maong buhatan.
Matud kang Albayalde nga sukad kaniadtong kadete pa lamang si Curpoz iya na kining nailhan nga maayo magtrabaho . Si Police Director general Oscar Albayalde.
Kahinumduman nga sa termino ni General Elesio Rasco gitay-og kini sa mga dagkong panghitabo sama sa -upat ka higayon nga pagbusikad sa IED sa Isulan Sultan Kudarat.
Giuyog usab ang PRO 12 dihang tulo ka mga tag-as nga opisyal sa kapulisan ang nalambigit sa kontrobersiyal nga Pulis Paluwagan Movement nga nanukad pa sulod sa Camp Lera niining syudad.
Gani sa panamilit niini kagahapon sa kapulisan miduyog kaniya ang iyang mga ka Mistah sa Philippine Military Academy.
