No comment si Pangulong Ferdinand Marcos Jr kalabotan sa milutaw nga “Sara-Imee” tandem alang sa 2028 elections, bisan ang tandem nga “Leni-Risa.” Kagahapon gianunsiyo ni VP Sara Duterte nga siya mudagan sa pagkapresidente.
“Good Luck” ang nahimong tubag ni Pangulong Marcos bahin niini. Matod kang Palace Press Officer USec. Claire Castro nakatutok ang Pangulo sa iyang trabaho isip chief executive.
Sa iyang pamahayag nga dili gustong istoryahan sa Pangulo ang pulitika ilabina nga layo pa ang eleksyon.
Hugtanon usab nga gipanghimakak sa Palasyo ang mga istorya nga gipangulitawhan sa administrasyon si kanhi Vice President og karon Naga City Mayor Leni Robredo alang sa 2028 Presidential elections.
Matod kang Usec. Castro, nga wala matod pay unsa mang isyu o lakang ang administrasyon kabahin sa pagpangita og kandidato alang sa sunod nga eleksyon.
Dugang pa ni Castro, naka-focus ang Pangulo sa pagtubag sa mga isyu sa baha og pagpakusog sa ekonomiya og dili sa pagpamulitika.
