Sa pagsugod sa iyang ika-5 nga State of the Nation Address (SONA) kagahapon Hulyo 27, 2026, gipasiugda ni Pangulong Ferdinand Marcos Jr. ang mga kasong gisang-at batok sa pipila ka mga opisyal, magbabalaod, ug mga kontraktor nga nalambigit sa giingong korapsyon sa mga flood control projects nga una niyang gibutyag sa miaging SONA.
Matud sa Pangulo, lakip sa mga gilaumang kasuhan sa Office of the Ombudsman ang iyang ig-agaw nga si Leyte Representative Ferdinand Martin Romualdez.
Giingon ni Marcos nga bisan pa man og sakit alang kaniya isip paryente, kinahanglan gihapon niyang buhaton ang hustong lakang.
Human sa SONA, nagpagawas usab og pahayag si Romualdez diin iyang giingon nga gitahod niya ang baruganan sa Pangulo.
Dugang pa niya, nagpabilin siyang lig-on sa iyang baruganan nga wala siya makalapas sa balaod ug andam siyang pamatud-an kini pinaagi sa hustong proseso.
Bisan pa sa kalisod alang sa Pangulo sa pagpadayon sa mga kaso nga naglambigit sa mga tawo nga suod kaniya, gipasiugda niya nga katungdanan sa gobyerno ang pagpatuman sa hustisya ug pagtahod sa balaod.
