Ginganlan na ni Pres. Bongbong Marcos Jr. si kanhi Supreme Court Associate Justice Andres Reyes Jr. isip chairperson sa Independent Commission for Infrastructure, ang lawas nga body nga mag-imbestigar sa mga anomalosong proyekto sa pagkontrol sa baha.
Gipahibalo kini ni Marcos atol sa press conference sa Kalayaan Hall.
Si Reyes niretiro niadtong Mayo 2020, ang unang mahistrado nga gipasidunggan sa online retirement rites taliwala sa quarantine ug physical distancing nga mga patakaran dala sa COVID-19.
Nahimo siyang trial judge niadtong 1987, Court of Appeals justice niadtong 1999, nangulo sa Dept.of Justice sa appellate court niadtong 2010, ug gitudlo ni Presidente Rodrigo Duterte sa pinakataas nga korte sa Pilipinas niadtong 2017.
Si Reyes, third generation justice, nga anak ni kanhi Court of Appeals presiding justice Andres Reyes Sr., ug apo sa CA ug sa ulahi nga SC justice Alex Reyes Sr.
Niadtong Sabado, gibutyag sa Malacañang ang duha ka miyembro sa ICI, lakip sila si kanhi Public Works Secretary Rogelio “Babes” Singson ug Rossana Fajardo, country managing partner sa auditing firm nga SGV and Co.
Samtang si Baguio City Mayor Benjamin Magalong maoy gihinganlan nga special adviser sa ICI.
