PBBM gisiguro nga gahimo na ug pamaagi ang gobyerno aron madala sa luwas nga lugar ang mga Pinoy seafearers nga sakay sa M/V Tutor nga gibomba sa rebeldeng Houthi

Gisiguro ni Pangulong Ferdinand “Bongbong” Marcos Jr., nga ginahimo na sa gobyerno ang tanan aron madala sa luwas nga lugar ang mga Filipino seafarers nga sakay sa gibombang barko nga MV Tutor sa Red Sea.

Sumala sa Pangulo, nakig-alayon na sila sa United Kingdom Maritime Trade Operations aron madala ang mga tripulante sa Djibouti.

Oras matud pa nga madala ang mga nasampit sa Djibouti, gilayong iproseso sa gobyerno ang pag-uli sa mga nasampit sa Pilipinas.

Kahinumduman nga gibomba sa rebeldeng Houthi ang MV Tutor kaniadtong Hunyo 12 sa Red Sea ug Gulf of Aden.

Sumala sa DMW, 22 ka Pinoy seaman ang sakay sa barko ug usa niini ang nawala.