Gisiguro ni Pangulong Ferdinand Marcos Jr. ang social protection og kaayohan sa mga senior citizen sa nasod.
Kini dihang gipangunahan sa Pangulo ang nationwide inaugural distribution sa cash gifts sa mga kwalipikadong benepisyaryo sa Expanded Centenarians Act of 2024 o Republic Act no. 11982 sa Malakanyang.
Subay sa balaod, makadawat og ₱10,000 na cash incentives ang mga senior, pag-abot nila sa edad nga 80, 85, 90, og 95.
Magpabilin gihapon ang ₱100,000 cash gift para sa centenarians o 100-year old seniors, ilawom sa Centenarians Act of 2016 o R.A. NO. 10868.
Katorse ka senior citizens ang midawat og inaugural cash gift sa Palasyo, samtang 1,079 benepisyaryo ang dungan nga nakadawat og cash incentives sa 15 pa nga venues sa nagkadaiyang rehiyon sa nasod.
