Giduso sa administrasyon ni PBBM ang gisugyot nga ₱7.2 trilyon nga nasudnong badyet alang sa 2027, mas taas og ₱407 bilyon o unom ka porsyento kumpara sa ₱6.793 trilyon nga badyet sa 2026.
Sumala sa Department of Budget and Management (DBM), ang gisugyot nga badyet magpunting sa mga programa, kalihokan ug proyekto nga maghatag og dugang oportunidad ug motubag sa panginahanglan sa mga Pilipino aron mapalig-on ang kaugmaon sa nasud.
Dugang pa niini, gipasiugda sa DBM nga prayoridad ang pagpadayon sa mga dagkong infrastructure projects, mga foreign-assisted projects ug uban pang high-impact development programs aron mapadasig ang pagtubo sa ekonomiya.
Sa kasamtangan, gipasiugda sa gobyerno ang pagpalig-on sa fiscal discipline pinaagi sa pagkunhod sa dili importante nga mga paggasto ug paghatag og mas dako nga pondo sa mga prayoridad nga programa ug proyekto nga adunay dakong benepisyo sa publiko.
