GENERAL SANTOS CITY | Dako ang mahimo ni President Ferdinand Marcos aron isibug ang Barangay ug SK elections nga gitakda sa December 5 niining tuiga. Matud ni Atty. Teodoro Sales nga ang election sa Barangay ang wala nabutang sa 1987 Constitution. Dugang pa ni Atty. Sales nga ang nakabautang lamang ang election sa mga Munisipyo, Probinsya ug sa kinatibuk-ang nasud. Matud niini namugna ang Barangay dihang napasa ug nahimong balaud ang RA 7160 pinaagi sa Kongreso. Mao nga pinaagi sa Kongreso mamahimo nga usabon ang napatik sa batakang balaud apan lahi ang Barangay election tungod dili “constitutionally mandated” nga buot ipasabut mamahimo nga usabon ug ang makahimo niini mao ang Presidente. Isip usa ka abogado may deskrisyon si Pangulong Marcos nga pwedi isibug ang election hilabi pa nga gikulang karon ug pundo ang gobyerno.
Hinuon kung magdesisyon man ang Pangulo nga isibug ang election hangyo niini nga dili langanon tungod dili ikatago nga daghan sa mga residente karon ang nagreklamo batuk sa ilang mga Barangay Official nga wala na magtrabaho ug tarong. Hinuon gisaway pa niini ang uban nga pulitiko nga gigamit ang mga Barangay Official alang sa ilang kaugalingon nga interes.
