GENERAL SANTOS CITY – Mag usa ka bulan na nga gihaya sa usa ka punerarya ang usa ka patay human gipugngan sa usa ka pribado nga tambalanan ang death certificate.
Kini human midangop sa sibyahanan ang iyaan sa namatay nga si James Dulay nga residente sa Malita Davao Occidental apan temporaryo nga nagpuyo sa Balu-an ning dakbayan.
Ang nahisgutang tawo matud pa ang napusilan sa usa ka police operation kaniadtong Agusto 14 sa Lagao ning syudad ug nabugtu-an sa ginhawa Agusto 21 sulod sa usa ka pribado nga tambalanan.
Usa sa rason nga dili mahatag ang death certificate kini tungod kwarenta mil pesos lamang ang ilang gibayad luyo nga adunay P274,000 ang billing sa hospital sa nahisgutang pasyente.
May kaso matud pa nga Illegal Possesion of firearms ang nahisgutan dihang buot matud pang dakpon sa kapulisan apan misukol matud pa kini hinungdan nga napusilan.
Matud pa sa reklamante nga kustudiya sa usa ka punerarya niining dakbayan ang patay nga lawas sa iyang pag-umangkon.
