GENERAL SANTOS CITY- Gidangop na lamang sa korte ang reklamo sa usa ka biyuda ang pagkamatay sa iyang bana human gilangan sa pagpagawas sa tambalanan.
Matud ni Esterlita Salot nga taga Sitio Toning part 2 Lagao nga nag-ugat ang reklamo dihang wala dawata sa usa ka pribado nga tambalanan ang banyte mil pesos luyo nga ang ilang bayrunon baynte syete mil pesos.
Pagsaysay niini nga nadala sa hospital ang bana niini nga si Guillermo 53 anyos ang naadmit gumikan sa sakit nga ashma ug pulmonia.
Septembre 26 niaging tuig naadmit ang biktima ug Oktobre 10 dihang mugawas na unta apan wala mahinayon.
Gipangitaan matud pa kini ug titulo sa yuta ug rehistro sa sakyanan bugti sa pito ka libu ka pesos nga kulang.
Gumikan wala siya sa gikabutyag nga mga butang mihangyo na lamang nga bayran pinaagi sa pagdata sa pagbaligya ug silhig paypay.
Gimahay niini ang naasoy nga hospital tungod kung nakagawas ang bana niadtong tungura dili unta kini mamatay.
Samtang nagdumili pagtubag ang taga SOCSARGen may kalabut sa reklamo sa pagkamatay sa ilang pasyente nga giingong gipugngan nga makagawas sa tambalanan.
