GENERAL SANTOS CITY – Gipangunahan ni Governor Reynaldo Tamayo, Jr., National President sa Partido Federal ng Pilipinas (PFP), ang pagpirma sa alyansa tali sa PFP ug People’s Champ Movement (PCM)
Kini nga kasabutan nagpukos sa pagpakusog sa serbISyo ug kalambu-an sa Sarangani ug General Santos City (SarGen).
Gipahigayon kini sa Greenleaf Hotel Septembre 28, 2024 nga gitambungan sa mga lokal lider ug opisyal.
Kabahin sa kasabutan gihatagan ug gahum si Sarangani Governor Ruel Pacquiao nga mupirma sa Certificate of Nomination and Acceptance (CONA) alang sa mukandidato ilawom sa bando sa PFP aron pangunahan ang probinsya.
Ang endorsement ni Governor Tamayo ang mupakusog sa kalihukang pulitika sa duha ka partido sa SarGen.
Gikumpirma usab ni Tamayo nga walay padaganon nga kandidato ang PFP sa dakbayan hinuon gisuportahan si Mayor Lorelie Pacquiao ug tanang kandidato sa PCM.
Isip PCM President mupirma ug CONA si Mayor Lorelie Pacquiao sa tanan nga Mayor ug Vice Mayor sa Sarangani lakip sa General Santos City
Mupirma usab ug CONA si PCM Secretary General Mayor Tessa Constantino sa tanan nga municipal councilors sa Sarangani aron masiguro nga gisunod ang alysansa.
Ang alyansa ang gilauman nga mupalig-on sa pang gobyerno lokal alang sa kalambu-an sa katawhan sa Sarangani ug General Santos City.
