GENERAL SANTOS CITY – Gisunog sa mukabat sa halos 20 ka mga miyembro sa New Peoples Army(NPA) ang panimalay sa usa ka Chairman sa Sitio Abual, Barangay Upper Suyan Malapatan Sarangani Province.
Kini ang gibutyag ni Lt. Gerry Maburang, tigpamaba sa 73rd Infantry Batallion Philippine Army.
Matud pa sa nasampit nga gidauban ang maong balay tungod sa pagpanimalos o pagpanghadlok gumikan daghan ang misurender nga miembro sa NPA sa naasoyng lugar ug nanghatag usab ug mga school supplies ang mga kasundaluhan miaging semana nga gidawat sa komunidad.
Hinungdan nga posibleng nasuko ang mga miyembro sa rebelde sa Front 71 sa NPA ug gihimo ang pagpanunog sa balay sa chairman hinuon walay naangin sa maong panghitabo.
Daw sa nasuko na usab si Lt. Maburang ngadto sa mga NPA nga walay klarong ideolohiya nga gipakita nga matud pa mao man untay tigpanalipod sa mga kabus inay sukwahi ang ilang ginabuhat.
Giawhag usab niini ang mga NPA nga musurender nalang samtang aduna pay gobyerno nga mutabang.
