GENERAL SANTOS CITY – Gilauman ang mga biyahero sa hugot nga inspeksyon sa mga checkpoint sa GenSan-Malungon Highway.
Kini gumikan sa gilauman nga paghidangat ni Pangulong Rodrigo Duterte sa Sarangani Province.
Matud ni Maj. Dondon Esteros, tigpamaba sa 1002nd Brigade Philippine Army, bisitahon sa punong ehekutibo ang ilang kampo sa Brgy Malandag, Malungon, Sarangani.
Kabahin matud pa kini sa ika-20 nga annibersaryo sa Camp Brigader General Herminigildo Agaab. Alayun niini mas hugot pa nga seguridad og pagbantay ang gipatuman sa Sarangani Provincial Police Office og General Santos City Police Office.
Gipahimangnuan ang mga motorista lakip ang mga commuters nga magdala ug ID.
Magbaon usab ug taas nga pasensiya alang sa gilaumang taas nga pila sa mga checkpoint.
