Pamilya sa tricycle driver nga gipusil-patay sa sa Zone 4, Blk 1, Barangay Lagao ning dakbayan Hustisya ang gisinggit

GENERAL SANTOS CITY – Hustisya ang gisinggit sa pamilya sa tricycle driver nga si Harrison Malagante, 36-anyos nga residente sa Zone 4, Blk 1, Barangay Lagao ning dakbayan human nga napusilan patay.

Ang insidente natigayon sa miaging gabii sa National Highway, Corner Purok Tahimik, Barangay Baluan ning syudad.

Gitutukan karon sa mga otoridad nga posible nga suspek sa krimen mao ang usa ka nahimong pasahero sa biktima nga dali nakasibat sakay ang motorsiklo padulong sa GenSan Proper.

Narekober usab sa SOCO Team sa crime scene ang usa ka fired bullet ug usa ka buhing bala sa caliber 45 nga gipailawom dayon sa laboratory examination.

Blangko pa ang pamilya sa motibo sa pagpamusil o ilhanan sa mga responsable sa krimen.