GENERAL SANTOS CITY – Gipasalamatan ni Rod Cruz sa grupong ARANGKADA Riders Alliance, Inc. ang gisulti ni Pangulong Rodrigo Duterte nga on-hold una ang pagpatuman sa “Doble-plaka law” aron tun-an.
Sa pakighinabi sa Bombo Radyo GenSan, gibutyag ni Cruz nga maayo nga gisulti kadto sa Presidente.
Apan alang kanila, mas maayo unta kon ma-amyendahan gayud ang maong balaod.
Dugang pa ni Cruz nga angayang gisulti na lang sa pangulo nga ang Congress version na lamang ang himuong alternatibo sa Motorcycle Crime Prevention Act kung asa si Sen. Richard Gordon ang maoy author.
Kahibaluan nga galaum usab ang Motorcycle Rights Organization(MRO) nga magpagawas sa labing daling panahon ug executive order (EO) si Pangulong Duterte aron suspendihon ang ‘Doble plaka law’.
Matud kang Jobert Bolanos, Chairman sa MRO, kon ugaling mugawas na ang Implementing Rules and Regulations (IRR) alang sa ‘Doble plaka law’ ug wala pa ang EO sa Malacañang, mangayo sila ug temporary restraining order (TRO) sa Korte Suprema.
