Mga negoayante GENERAL SANTOS CITY – Gihingusgan ni Ben Claudio, presidente sa GenSan Chamber of Commerce and Industry nga angayang suspensohon na ang excise tax sa produktong petrolyo gumikan sa padayon nga pagsaka sa presyo niini.
Matud pa ni Claudio nga kini ang rekemendasyon sa mga negosyante sa Mindanao sa nahitabo nga meeting. Gikadugang pa sa nasampit nga kung ipaagi pa sa kongreso madugayan ang proseso gumikan walay session karon ang mga magbabalaod.
Sa iyang pamahayag nga may laing pamaagi nga pwede tungod may gahum ang Department of Finance kon DOF nga pwede magsuspenso sa implementasyon sa excise tax sa petrolyo.
Gibutyag ni Claudio nga kung temporaryong masuspenso ang excise tax, otomatiko nga muubos og P6.00 ang presyo sa produktong petrolyo. Nasayran nga gawas sa excise tax, ang gobyerno ang gapaningil usab og value added tax sa petrolyo.
