GENERAL SANTOS CITY – “Unique’ ang Kalilangan 2017 sa GenSan ikumpara sa festival sa ubang lugar.
Kini ang gibutyag ni MSU Professor Alnizar Ali, ang cultural and artistic director sa Kalilangan 2017 kon asa gibutyag sa nasampit, pinaka-pinasahi ang kasaulogan sa GenSan tungod gilakipan og konsepto sa ASEAN samtang i-incorporate usab ang kultura og kasaysayan sa mga nasud nga lakip sa BIMP kon Brunei Darussalam, Indonesia, Malaysia og Pilipinas.
Sumala ni Ali, atul sa kalilangan adunay gilauman nga mga bisita gikan sa Japanese consul, Malaysia, og Brunei Darussalam kon asa may kontak na sila sa mga embahada sa maong mga nasud aron i-showcase a ng ilang mga performers.
Matud pa, ang consul sa Davao ang magpadala usab og mga performers dinhi sa dakbayan atol sa kalilangan.
Nasayran nga adunay matigayon nga ASEAN dance competition kon asa highlight ang konsepto sa ASEAN ingon man sa grand opening sa Kalilangan sa Pebrero 22.
Kini ang rason nganong pang-international ang tema alang sa ASEAN nga mao ang proudly asean connecting minds building community apan sa lokal nga kasaulogan mao ang celebrating cultures bridging borders.
