GENERAL SANTOS CITY – Nagpadayon ang imbestigasyon sa mga otoridad sa natigayong pagpusil-patay sa usa ka empleyado sa Commission on Higher Education Region 12 kagahapong adlawa.
Kahibaluan nga ang biktima giilang si Jennifer Oñaz, 39 anyos, residente ning dakbayan ug empleyado sa CHED Region 12 nga naka assign sa record section sa nahisgutang buhatan.
Kahinumduman nga dead on arrival ang biktima human gipusil sa wala mailhing mga suspek.
Base sa mga nakasaksi, usa ka van ilang gidudahan gumikan nakaparada sa lugar. Pag-abot sa alas-7:00 sa buntag samtang pasulod na ang biktima sa compound sa Regional Office 12, minaog matud pa ang usa sa mga armadong suspek ug gilayong gipusil ang biktima.
Nakaangkon kini ug samad-pinusilan sa dughan nga maoy rason sa iyang kamatayon. Tak-om pa ang babae sa mga empleyado sa nahisgutang ahensya gumikan sa hilabihang kahadlok sa nahitabo.
Apan nasayran nga una na matud pang nakadawat ug death threat ang CHED Regional Director nga si Dr. Maximo C. Aljibe una pa ang insidente.
