Pagpataas sa seguridad sa dakbayan una sa mga prayoridad sa kapulisan og force multipliers

GENERAL SANTOS CITY – Nag-una sa mga prayoridad sa kapulisan og force multipliers, mao ang pagpataas sa seguridad sa dakbayan diin lakip sa ilang adbokasiya ang “Purok, Laban sa Krimen” nga usa ka inisyatiba sa local government unit sa gensan sa panaghiusa sa mga komunidad ug kapulisan.

Ang maong kalihokan ang nagtumong nga ang tanan adunay igong kahibalo sa pagsumpo sa mga krimen sa dakbayan.

Matud pa ni Police Colonel Aldrin Gonzales, Deputy Chief Director for Operation sa GSCPO, nga angay nga kanunayng alerto ang mga katawhan sa matag purok aron makalikay sa mga posibleng krimen.