Giaprobahan sa National Economic and Development Authority (NEDA) Board ang pagpalit og hangtod sa 40 ka units sa fast patrol craft.
Nagbalor kini og P25.8 bilyones ug gipondohan pinaagi sa opisyal nga development assistance gikan sa French government.
Apil usab sa tabang gikan sa France ang Integrated Logistics Support ug kahimanan alang sa base sa Philippine Coast Guard.
Matud ni NEDA Secretary Arsenio Balisacan, ang maong proyekto subay sa tumong sa gobyerno nga mapalig-on ang maritime security ug mapausbaw ang kapabilidad sa PCG.
Kini nga mga barko mahimo usab nga gamiton sa pag-intercept ug pagpugong sa smuggling ug ilegal nga mga kalihokan.
Gipaniguro sa administrasyong Marcos Jr nga hingpit nilang gisuportahan ang modernisasyon sa mga kabtangan sa nasud.
Tumong niini nga masiguro ang seguridad sa mga maritime territory sa Pilipinas
