-- ADVERTISEMENT --
Dili makatarungon ug dili angay ang pagbutang og 2,000 ka police personnel sa pag-atake sa Kingdom of Jesus Christ (KOJC) compound .
Kini maoy gihingusgan ni Senador Imee Marcos kung asa iyahang gikondena ang sobra nga paggamit sa puwersa sa kapulisan samtang gisilbi ang warrant of arrest batok sa pugante nga pastor Apollo Quiboloy ug uban pang akusado.
Kahibaluan nga si Quiboloy nag-atubang og kasong sexual abuse, child abuse, ug qualified trafficking. Giawhag ni Sen. Marcos ang nasudnong kapolisan nga unahon ang kaluwasan sa mga sibilyan ug mas mag-amping sa ilang mga lihok.
Matod niya kini na ang ikaduhang higayon nga nagpakita og dili madawat nga puwersa ang PNP, ug gikinahanglan nga hunongon na ug dili na mahitabo pag-usab.
