Positibo si Pangulong Ferdinand R. Marcos Jr. nga hapit na makab-ot sa gobyerno ang target niini sa paghaw-as sa mga Pilipino gikan sa kakabos.
Ang pahayag gihimo sa Chief Executive atubangan sa target sa administrasyon nga mapaus-os ang poverty rate sa siyam ka porsyento sa 2028.
Matud pa sa Presidente, nahiuyon ang tanang pinakaulahing datos nga nanggawas may kalabutan sa pagpalig-on sa ekonomiya, pagsaka sa employment rate ug pag-usbaw sa investments ubos sa Build Better More padulong sa maong target nga mapakunhod ang lebel sa kakabos sa nasud.
Matud pa niini nga sa labing ulahing datos, ang poverty rate sa Pilipinas mius-os ngadto sa 15.5%.
Buot ipasabot matud pa niini nga 2.5 milyones ka Pilipino ang nahaw-as na sa kakabos samtang 10.9 porsyento sa mga pamilyang Pilipino ang nagpabiling kabus.
