Masilotan ug tibuok kinabuhi ga pagkabuilanggo ang bisan kinsang mapamatud-ang sad-an sa pagpahimulos sa mga bata nga ginabaligya online
Dugang pa, kadtong mapamatud-ang sad-an pamultahon usab og labing menos P2 milyon kon ang House Bill (HB) 9461 o ang Child Online Safety and Protection Act, nga napasar na sa ikatulo ug katapusang pagbasa sa Kamara, mahimong balaod.
Sumala ni Mamamayang Liberal (ML) party-list Rep. Leila de Lima, usa sa mga awtor sa balaodnon, ang maong balaodnon dili lamang naglangkob sa aktuwal nga mga video sa pagpahimulos sa mga bata apan lakip usab ang sekswal nga materyal nga gihimo sa mga deepfake.
Tungod niini, siya miingon nga ang maong balaodnon gikinahanglan tungod kay bisan pa sa mga kampanya batok sa pornograpiya, ang sekswal nga mga materyal sa mga bata nagpadayon sa pagpang-apod-apod online tungod kay kadtong nalambigit sa maong ilegal nga kalihokan nakakwarta gikan niini.
Apil usab sa silot kadtong mogamit sa video, peke man o dili, aron mangilkil sa mga biktima, nga dili wala mailhi sa kadaghanan, ug karon kaylap na, sama sa gipamatud-an sa mga nadakpan sa mga operasyon sa entrapment sa National Bureau of Investigation (NBI) ug sa Philippine National Police (PNP).
Bisan kadtong mopalit niining mga ilegal nga materyales mag-atubang sa maong silot samtang ang mga tag-iya sa mga pasilidad diin gihimo ang ilegal nga video mag-atubang og 12-20 ka tuig nga pagkabilanggo ug multa nga P1 milyon..
