GENERAL SANTOS CITY – Walay nasinati-ang problema ang pagpadagan sa LGU-Maitum tungod naa ang Vice Mayor nga direktang mudumala bisan ug wala ang Mayor nga si Alexander Bryan Reganit.
Kini ang nahimong pahayag ni DILG Provincial Director Flor Limpin kalabut sa temporaryo nga paghulip ni Vice Mayor Tito Balason kang Mayor Reganit isip Acting Mayor.
Una nga gibutyag ni Vice Mayor Balason nga acting capacity ang iyang paghupot human ang tulo ka adlaw nga paglingkod isip OIC apan basi matud pa sa Local Government Code kinahanglan nga sa ikaupat ka adlaw, angayan nga ang mudumala sa munisipyo o syudad mao na ang Vice Mayor.
Nasuta nga nag-file sa iyang Official leave si Mayor Reganit apan wala masayod si Balason kung pila ka adlaw kining naa sa bakasyon.
Samtang gipaklaro sa bise mayor nga sa Maitum, walay bahad sa sama niyang opisyal tungod kay matud pa malinawon ang mga residente sa lugar.
