GENERAL SANTOS CITY – Gihingusgan ni Kag. Jeng Gacal, nga supak sa tawhanong katungod ang pagdili nga pasudlon sa syudad ang mga locally stranded individuals (LSIs) og authorized person outside residence (APORs) karong bulan sa Disyembre.
Sa pamahayag ni Kag. Gacal nga dili pwede did-an ang mga residente sa syudad nga muuli sa ilang lugar.
Gikadugang pa sa nasampit nga konsehal nga walay balaod nga gipagawas nga bawal nga makauli ang mga nasampit.
Hinoon dili hingpit ang katungod sa mga tawo sama sa panahon sa bahad sa national security, public safety, og health concerns.
Sumala pa ni Gacal nga ang Republic Act 11494 o Bayanihan Act 2 nga maoy gibasehan nga balaod kalabutan sa COVID 19.
Sa maong pamahayag nga wala gidid-an ang pagbiyahe sa mga pilipino ilabi ang pag-uli sa tagsa tagsa ka mga lugar.
Sa iyang pamahayag nga walay gahum ang mayor nga magpagawas sa nasampit nga patakaran.
Gikadugang pa niini nga pwede nga mag-atubang og kasong kriminal og administratibo ang magpagawas sa maong kamanduan.
Gawas pa niini nga daghan taga GenSan ang nakapalit na og plane ticket pauli sa dakbayan.
Kahibaluan nga adunay sugyot nga dili una mudawat og LSIs og APOR ang syudad nga karon gipahibalo na sa local IATF aron kini tun-an.
