GENERAL SANTOS CITY – Magsugod sa pag-inspeksyon sa nagkadaiyang establisiemento sa dakbayan ang joint inspectorate team sa Business Permit and Licensing Division sa Abril 20, 2018.
Alayun niini, gapahinumdum si Geraldine Zamora, ang labaw sa maong buhatan sa mga negosyante nga wala nakompleto ang rekositos sa business permit nga angayang magproseso na samtang may halos duha ka semana pa ang nahibilin una ang deadline.
Sa pamahayag sa nasampit nga opisyal, target sa pag-inspeksyon sunod nga semana mao ang mga establisiemento nga adunay bayolasyon sa ilang pagnegosyo tungod kulang ang mga rekositos.
Kahibaluan nga sa bag-ong sistema nga gipatuman sa LGU sa pagrenew sa business permit, dili una basehan ang building permit, sanitation permit, clearance gikan sa SSS, PAG-IBIG, P Philheath og laing mga rekositos.
