Wala matarug ang pipila ka milyon nga mga tawo nga nagtan-aw sa pormal nga pag-abli sa 2024 Paris Olympics
Ang panon sa katawhan nagdala og mga payong ug kapote aron pagsaksi sa makasaysayanon ug talagsaon nga pag-abli sa Olympics nga gipahigayon sa Seine River.
Dili sama sa naandan nga mga istadyum, kini karon gihimo sa Seine River kung asa ang mga partisipante nagsakay sa mga bangka.
Nag tan-aw usab sa parada ang Presidente sa France nga si Emmanuel Macron ug ang Presidente sa International Olympic Committee (IOC) nga si Thomas Bach.
Sama sa naandan, ang parada mag-una sa Olympic Torch nga sundan sa barko sa Greece tungod kay didto nagsugod ang makasaysayanong Olympics.
Ang mga atleta sa Greece nga gipangulohan ni NBA superstar Giannis Antetokounmpo ug two-time Olympian race walk Antigoni Ntrismpioti moabot og 10,500.
Ang Norte-Dame de Paris Cathedral usab mibagting sa kampana sa unang higayon.
Kini ang unang higayon nga mibagting ang kampana sukad sa sunog niadtong Abril 2019.
Ang singer nga si Lady Gaga maoy nanguna sa pagkanta sa Opening ceremony.
Giawit niya ang “Mon truc en plumes” sa iconic nga Pranses nga artista nga si Zizi Jeanmaire.
Sunod nga mipasundayag mao ang 28-anyos nga singer nga si Aya Nakamura.
Pipila sa mga nipasundayag mao ang mga iladong modelo nga nailhan sa Paris sa lain-laing mga uso.
