-- ADVERTISEMENT --
Nasikop sa mga operatiba sa Philippine Drug Enforcement Group – Special Operations Unit 15 (PDEG-SOU15 BARMM) ang usa ka gidudahang high-value drug personality sa anti-illegal drugs operation sa Poblacion 5, Cotabato City karong hapon.
Giila ang dinakpan nga si Fai, 35 anyos, minyo, ug residente sa Purok Milan, Rosary Heights 13, Cotabato City.
Mokabat sa 100 gramos sa gituohang shabu nga gibanabanang mobalor og P680,000 ang nasakmit gikan sa suspek.
Narekober usab ang kwarta nga gigamit isip marked money, usa ka blue nga pouch, ug duha ka cellphone.
Sa pagkakaron anaa na sa kustodiya sa mga otoridad ang suspek ug pasakaan kini og kasong kalapasan sa Republic Act 9165 o Comprehensive Dangerous Drugs Act of 2002.
-- ADVERTISEMENT --
