Epektibo karong adlawa, Enero 20, ipatuman ang maximum suggested retail price (MSRP) nga P58 alang sa imported nga bugas.
Sumala sa Department of Agriculture(DA), sa Metro Manila, ang inisyal nga implementasyon mahitabo sunod semana alang sa posibleng mga adjustment.
Matod ni Agriculture Assistant Secretary ug spokesperson Arnel de Mesa, ang mga personahe sa DA ug Department of Trade and Industry (DTI) mosusi sa mga merkado aron masiguro nga nakatuman sila sa kasabutan.
Ubos sa Price Act, ang mga negosyante makadugang og labing taas nga 10% nga ganansya sa ilang mga baligya, apan ubos sa SRP nga P58 ang kinatas-ang presyo.
Adunay ubay-ubay nga klase sa bugas sama sa glutinous rice, black rice ug red rice nga wala masakop sa maximum SRP.
Si De Mesa namahayag nga masaligon sila nga maminusan ang retail price sa bugas sa sunod adlaw.
