GENERAL SANTOS CITY – Posebli nga masayang ang proyekto nga gipanday ni kanhi Rep. Sherlin Nograles ug mabalik sa general fund ang mukabat sa P300 ngadto sa P400M nga pundo.
Matud ni Gensan Vice Mayor Rosalita Nuñez nga napunduhan na ang proyekto nga magbutang ug dalan kilid sa dike gikan sa lower Silway bridge paingon sa Upper Silway bridge sa barangay labangal niining dakyanan.
Tumong matud pa sa proyekto aron paluagan ang trapiko sa Labangal nga mulusot sa Silway barangay West pinaagi sa pagbutang ug 50 meter wide nga dalan.
Gikadugang ni Nuñez nga wala gilihok sa syudad ang pagbalhin sa mga informal settler nga maapektuhan sa proyekto butang nga gikabalaka sa Vice Mayor nga masayang ang nahisgutang pundo.
Ang river encampment ang solosyon nga nakita sa kanhi Kongresista hinungdan nga gipangitaan ug pundo dihang siya pa ang representante sa first district sa South Cotabato apil ang general Santos City.
Giangkon ni Nuñez nga nag-unang problema sa syudad ang relocation nga angayan nga tutukan ni Mayor Lorelie Pacquiao.
