GENERAL SANTOS CITY | May kabalhinan na nga bag-ong lugar aron ipadayon ang P25M nga housing project ug kini ang 2.6 hectare nga luna nga paliton sa LGU Maasim. Kini ang pahayag ni Freitze Punzalan, acting district manager . Matud niini nga ang orihinal nga lugar nga gikahimutangan sa housing project ang kabahin sa dose ka ektarya nga luna sa munisipyo nga gipatukuran sa ilang evacuation center, palengke ug terminal.
May nakuha na matud pa ang contructor nga P9M apan gipaniguro nga mabayaran sa insurance busa mahinayon gihapon ang pagpatukod sa Maasim resettlement project. Una ng gibutyag sa Municipal Engineering Office nga 39.9 percent nang nahuman ang construction apan dihang nahugmak na gipangingkamutan nga makuha ang uban nga materials nga magamit pa. Gipaklaro nga desisyon sa Mines sa Geosciences Bureau nga ibalhin ang site alang sa 40 ka douplex nga panimalay aron dili mabutang sa peligro ang mga residente .
