GENERAL SANTOS CITY – Gibanabanaan nga mukabat sa P150,000 ang damyos sa dihang nasunog ang balay kagabii sa usa ka magtutudlo sa Bula ning dakbayan.
Matud pa ni Bonifacio Besas, magtutudlo sa Bula National School of Fisheries nga una ang insidente nga kagabie gatan-aw pa sila og tv sa ubos sa ilang balay kauban ang asawa og pag-umangkon.
Pagkahuman misaka sa kuwarto sa ikaduhang andana aron matulog na unta apan nakuratan na lamang nga makakita og kalayo og baga nga aso hinungdan nga gipagawas ang asawa og pag-umangkon.
Bugtong laptop og mga mahinongdanong dokumento ang nasalbar sa asawa gikan sa sunog.
Samtang nagpasalamat na lamang nga wala maangin ang kapilya nga anaa tapad sa ilang balay apil ang ilang babuyan.
Nasuta nga lima ka fire truck ang miresponde sa sunog.
Sa inisyal nga imbestigasyon sa Bureau of Fire Protection (BFP) GenSan nasuta nga posibleng electrical short circuit ang hinungdan sa sunog.
Apan una pa man ang sunog gibutyag sa magtutudlo nga nakadungog sila og kasikas sa iring sa ibabaw nga bahin sa ilang balay.
