Dakpan ang usa ka 49-anyos nga babaye human makuhaan og kapin P1.5 milyon nga kantidad sa gidudahang shabu sa operasyon sa Purok Upper Malok, Barangay Labangal, General Santos City, kagahapon, Hulyo 17, 2026.
Ang operasyon gihimo sa mga personnel sa City Police Drug Enforcement Unit sa GSCPO uban ang CIU-GSCPO, Police Station 2, ug uban pang unit pinaagi sa implementasyon sa Search Warrant 26-94 nga gi-isyu ni Hon. Dennis A. Velasco, Presiding Judge sa RTC Branch 23.
Nakuha gikan sa kustodiya sa suspek nga si alyas “Vergie,” ang upat ka jumbo size ug unom ka large size sachets nga adunay gibana-banang 227.8 grams sa gidudahang shabu nga adunay estimated Dangerous Drugs Board value nga P1,549,040.
Gihimo ang search ug dokumentasyon sa presensya sa mga mandatory witnesses.
Gidala ang suspek sa CPDEU-GSCPO alang sa hustong disposisyon ug medical examination, samtang ang nakumpiskang droga gihatod sa RFU 12 alang sa laboratory examination.
