Gusto ni PNP chief Gen. Nicolas Torre III nga mag-diet ang mga pulis kung magdamgo sila nga ma-promote.
Gimando ni Torre nga mag-ehersisyo ang mga pulis aron makab-ot ang normal nga body mass index (BMI) aron epektibo sila sa kampanya batok sa kriminalidad o ilegal nga drugas.
Aron makapasar sa diet program ni Torre, kinahanglang makahimo ang usa ka pulis og 100 ka push-up.
Busa aduna nay kaugalingong exercise routine ang mga pulis gikan sa patrolman hangtod sa heneral sugod kaniadtong June 12, 2025 aron tumanon ang mando ni Torre.
Ang sobra sa timbang nga mga pulis dili maka-schooling, nga usa ka prerequisite alang sa promosyon.
Dili na bag-o ang maong kampanya batok sa sobra sa timbang nga mga pulis.
Gipatuman usab kini sa panahon ni Senador Ping Lacson diin pipila ka mga pulis ang nakuyapan samtang nagdagan o nagpa-physical fitness test sa oval sa Camp Crame.
