Padayon ang pag-awhag sa Office of the Senior Citizen kon OSCA sa mga kapin sa 60 anyos pataas nga mga residente sa dakbayan nga magpabakuna batok sa COVID 19.
Matud pa ni Celso Mendoza, ang labaw sa OSCA sa dakbayan nga anaa na sa 30% sa mga senior citizen ang nabakunahan.
Malipayon usab ang nasampit gumikan sa pagkakaron midaghan ang mga senior citizen nga nagpabakuna aron makaangkon og proteksyon sa panglawas.
Kahibaluan nga ang mga senior citizens ang gisunod human nga gibakunahan ang mga health care workers gumikan sila ang may huyang nga panglawas og kasagaran may balatian na nga maoy nag-unang mahimong grabe ang bation oras nga matakdan sa virus.
Sa listahan sa mga namatay sa COVID 19 sa syudad daghan ang mga senior citizen og wala pa nabakunahan batok sa COVID 19.
