Magpabilin ang taas nga presyo sa pagpalit sa National Food Authority (NFA) taliwala sa epekto sa mga bagyo nga niigo sa nasod karong panahon sa pagpananom.
Gipasalig ni Department of Agriculture Assistant Secretary Arnel de Mesa, nga importanteng gamiton ang maong buying price aron adunay kompetisyon sa pagpalit sa lokal nga bugas.
Dugang usab niini nga tumong niini aron dili mapahimuslan sa mga negosyante ang kahimtang sa mga lokal nga mag-uuma nga naapektuhan sa sunod sunod nga mga katalagman.
Hangtod nga walay pagbag-o sa estratehiya sa pagpalit sa NFA, magpadayon ang maong presyo.
Dugang gipasalig sa opisyal nga wala pa mahurot ang pundo sa NFA samtang aduna usay surplus nga pundo nga nahabilin sa miaging tuig nga magamit sa pagkakaron.
Base sa price range nga gigamit sa NFA, ang presko o basa nga bugas mapalit gikan sa PHP17 matag kilo ngadto sa P23 matag kilo samtang ang uga nga bugas paliton sa P23 matag kilo ngadto sa P30 matag kilo.
Sa pagkakaron, matod niya, ang pipila ka post-harvest facilities lakip na ang mga bodega, drying, ug milling facility ang giayo usab aron gamiton sa bulto nga bugas nga gipalit gikan sa lokal nga mga mag-uuma.
