-- ADVERTISEMENT --
Pormal nang pasakaan og kaso sa qualified human trafficking sa National Bureau of Investigation o NBI si Batangas 1st District Representative Leandro Leviste, lakip ang uban pang mga indibidwal.
Gikumpirma mismo ni NBI Director Atty. Melvin Matibag karong adlawa ang maong lakang.
Sumala sa hepe sa NBI, ang ilang ipasaka nga reklamo may kalabotan sa giingong pagkalambigit sa mambabatas sa nabistong “honeytrap plot,” nga gituohang nagtumong sa pagbitik ug pagpasipala kang Executive Secretary Ralph Recto.
Isumite sa NBI ang pormal nga reklamo ngadto sa National Prosecution Service sa Department of Justice o DOJ aron sugdan ang preliminary evaluation ug imbestigasyon sa maong kaso.
